ROXAS CITY – Wala sang epekto sa pila ka mga traysikol drayber ang pagnubo sang presyo sang produktong petrolyo subong nga adlaw bangud sa mataas nga balalaklon.
Ini ang ginpahayag ni alyas ‘Noel’, traysikol driver, sang mainterview sang Bombo Radyo.
Ginsiling sini nga apisar nagnubo sang masobra P2.00 ang presyo sang kada litro sang gasolina indi sa gihapon ini nila mabatyagan bangud sa padayun nga pagtaas sang nagapanguna nga balaklon sa merkado.
Suno diri, mabudlay sa gihapon ang ila pagbiyahe bangud madamo sang kumpetensya kaangay sang bus nga nagabiyahe Dumolog-Baybay kag malaka lang ang estudyante nga nagasakay.
Indi man sini niya mabasol ang mga pasahero bangud mas manubo ang plete sa bus kumparar sa traysikol.
Pahayag man ni Noel nga masuwerte na kun makahalin sila sa pila nga may duha ka pasahero.
Dugang pa sini, nga mas mabudlay ang sitwasyon sang mga traysikol driver nga naga-boundary
bangud mabuhinan pa ang gamay nga kita sa bilog nga adlaw.
