Daku ang mabulig agud mailikaw sa balatian ang mga kabataan sang pagpabakuna batuk sa Polio.
Sa interview sang Bombo Radyo kay Architect Eric Demingoy, Presidente sang Rotary Club Roxas, iya ginpahayag nga ang Polio ang isa ka sahi sang virus nga mahimo makatapon pinaagi sa human to human contact.
Suno pa kay Architect Demingoy, ang indi kumpleto nga bakuna sa kabataan ang may daku nga posibilidad nga maka-angkon sang Polio kag makatuga sang paralysis ukon pag-shrink sang kaunuran sa lawas.
Pahayag pa niya, ang bakuna ang libre nga makuha sa mga barangay health center kag makig-angut lamang sa mga Baranagay Health Worker sa kun paano magpalista.
Nahibaluan nga magaselebrar sang World Polio Day ang Rotary Club of Roxas sa Oktubre 23-24 kag magapatigayon sang Health Talk nahanungod sa mga dugang pa nga mga impormasyon sa balatian nga Polio.
Dugang pa sang natungdan, mangin aware kita sa paghibalo sang mga tikang nga makalikaw sa atun mga kabataan sa mga balatian agud magdaku sila nga healthy kag wala sang sablag.
