Ginabasol sang mga motorista sa Department of Public Works and Highways (DPWH) Capiz 1st Engineering District, ang trapik nga ginadulot sang ginguba nga dalan sa Barangay Cogon, Panay, Capiz.
Sa pahayag sang mga residente sa lugar, nagasugata ang mga salakyan sa magamay nga dalan rason nga nagatuga sang mahinay nga pag abante sang mga salakyan.
Natingala ang mga motorista nga wala sang nagaserbi nga trapik man nga amu tani ang magagiya sa mga salakyan para indi ini magsugataay.
Samtang, wala man sang nahamtang nga mga warning devices sa amu nga proyekto kag wala man sang streetlights sa nasambit nga dalan, dugang pa ini nga problema kay madulom ini sa tion sang kagab-ihon.
Bangud sini, nakita sang mga motorista ang kapalpakan sang DPWH para tadlungun ang mga kakulangan sang konraktor.
Mahibaluan nga ang Contractor sini nga dalan amu ang SDB Construction.
