Pagpagluthang sa alkade sa Temoac sa Mexico, padayon nga gin-imbestigaran sang mga otoridad

Nagapadayon ang imbestigasyon sang mga otoridad sa pagluthang patay kay Mayor Valentín Lavín Romero sang Temoac sa Mexico City.

Suno kay Bombo kay Ivan Marino, Bombo International Correspondent sa Mexico, iya ginpahayag nga ginluthang ang alkalde sa sulod mismo sang municipal hall.

Suno pa kay Marino, isa sa mga ginalantaw nga anggulo sang mga imbestigador amo ang posible nga may kaangtanan sa politika.

Nahibaluan man nga sang bulan sang Enero may yara man sang nagluthang sa alkade sa isa ka gasolinahan sa kilid sang highway sang amo nga pungsod.

Si Lavín Romero ang katapo sang Green Party nga kaalyado sang partido nga Morena sa Mexico.