Nagapati ang Kabataan Party-list Panay nga ang pagpalawig sa lima ka tuig nga termino sang mga Barangay kag Sangguniang Kabataan officials mahimo makabenepisyo sa mga political dynasty.
Sa interview sang Bombo Radyo kay Arlie Bosque,Secretary General sang Kabataan Party-list Panay, iya ginpahayag mahimo nga magpadayon sa poder ang mga pamilya nga yara sa politika kung palawigon ang termino sang mga opisyal.
Suno kay Bosque, importante nga mahatagan sang kahigayunan ang iban nga gusto mangin lider nga magserbisyo sa komunidad kag matapna ang pagpadayon sang political dynasty.
Dugang pa sini, nga kinahanglan nga mapadayon ang Barangay kag Sangguniang Kabataan Elections (BSKE) sa Nobyembre 2026 agud makapili ang publiko sang maayo nga mga lider nga ginapahanumdom ang kahimtangan sang publiko.
Matandaan nga aprobado na sa Senado ang hagna nga nagapaiway ukon naga-postponement sang BSKE nga natalaba sa Nobyembre 2026.
