SIGMA, CAPIZ – Ginkumpirmar ni Kagawad Genivive Balmoha sang Barangay Parian sa banwa sang Sigma nga may pila ka mga serye sang pagpangawat sa ila barangay.
Sa interview sang Bombo Radyo kay Kagawad Balmoha, nagapati ini nga may katapusan ang tanan tungod wala man nagapabaya ang mga barangay officials agud matigayon nga madakpan ang mga kawatan.
Suno kay Balmoha nga padayon ang pagronda sang ila nga mga tanod.
Dugang pa sini, ang Margarita Soriano Elementary School ang nadulaan man sang pila ka mga pagkabutang kasubong sang 2 ka unit sang TV, 1 laptop, Amplifier, lapel kag iban pa.
Samtang, madamo naman nga mga residente sang nasambit nga barangay ang nagpahayag nga ginkawat man ang pila nila ka mga kasapatan nga ginahuptan sa tagsa nila ka mga panimalay.
