Gin-anunsyo ni Police Regional Office Davao Region (PRO-Davao) Chief, PBGen. Nicolas Torre III nga malapit na nga matapos ang pagpangita kay Pastor Apollo Quiboloy kag iban pa nga kapareho sini nga akusado.
Suno kay Torre, padayon nga nagagamay ang ginahulagan sang nagapanago nga pastor bangud nalibot na nila ang iban pa nga bahin sang Kingdom of Jesus Christ Compound.
Nahibaluan nga nagalab-ot sa 30 ka ektarya ang lugar, rason nga indi madali nga makita ang sinuman nga nagatago kag maserbihan sang warrant of arrest.
Isa pa suno sa nagapahinay sang pagpangita ang indi tuman nga kooperasyon sang mga miyembro sang samahan sa mga una nga adlaw sang ila nga pagdulong sa lugar.
Kasubong man, indi pa mahambal ni Torre kun san-o matapos ang ila nga pagpanghalungkad sa lugar nga ginapatihan ginahamtangan ni Quiboloy.
Sa panig naman sang KOJC, nanindugan si Atty. Israelito Torreon nga wala didto ang pastor.
Mangin si Vice President Sara Duterte ang naghambal nga malabo ang presensya sang KOJC leader sa sulod sang compound.
