ROXAS CITY – Padayon sa karon ang pagparehistro sang Philipine Statistic Authority para sa National ID.
Sa interview sang Bombo Radyo kay Mrs. Ana Denosta Bolante, Focal Personsang PSA Capiz, Sini nga Hunyo 23 nakapagkit ang probinsya sang Capiz sang 562,555 nga rehistrado na kalakip ang nagapang-edadron sa 5 ka tuig pataas, kag 69.89 percent sang populasyon sang capiz ang rehistrado na.
Samtang, ang syudad sang Roxas ang may pinakamadamo nga registrees kag nagapang-uluhi naman ang banwa sang Pres. Roxas nga may yara lamang sang masobra 21, 000.
Suno kay Bolante, mas ginpalapit sang PhilSys sa tawo ang pag-access agud makaparehistro rason nga nagpahamtang pa sang mobile registration sa tagsa ka mga kabarangayan maluwas pa sa mga nakahamtang sa dalagkuan nga mall sa syudad.
Dugang diri, madamo man sila nabaton nga reklamo nahanugod sa personal data, kag malaw-ay nga itsura sa National ID.
Sa karon, ginahulat nalang nila ang desisyon sang higher office kun san-o umpisahan ang correction kag replacement sang mga narelease na nga ID’s apang posible magasugod ini sa first quarter sang 2023.
