UPDATE – Mahulog sa regular filing ang pagpasaka sang panumbungon nga posible Rape batuk kay EJ Contreras sang Poblacion Tabuc, Pontevedra, Capiz matapos nga wala makahingabot subong nga adlaw sa pag-file sa Prosecutor’s office bangud sa kakulangon sa dokumento.
Nahibaluan nga sandig sa alegasyon sang wala pa ginhingadlan nga pangayaw nga lady rider/looper nga ginhimuslan ini ni Contreras kag ginaalegar gintuyo ini nga ipagamit sa iban pa nga abyan nga suno sa tagreklamo nagagamit sang iligal nga droga, kagab-i sang Huwebes sa Headquarters mismo sang ginatudlo suspek.
Matandaan nga kaina sang hapon, nagpadulong sa Hall of Justice ang tagreklamo agud magpasaka sang panumbungon batuk sa nasambit nga miyembro sang prominente nga pamilya sa Capiz.
