Ginakonsiderar na karon sang National Press Club of the Philippines ang pagpasaka sang reklamo batuk kay Senator Alan Peter Cayetano.
Ini matapos tawagon sang NPC nga misleading ang sabat sang senador sa hangkat sa iya nga hingadlan ang pulo ka radio station nga nagahiwat sang scripted nga interview.
Suno kay NPC President Leonel Abasola, sa interview kay Cayetano sang media sang tinalikdan nga adlaw, wala pa sini nasabat kag naathag ang amo nga mga akusasyon.
Ang ginahinyo sang NPC, hingadlan na ni Cayetano ang nasambit nga mga radio station ilabi na nga may epekto ini sa imahen sang media pag-abot sa ethical standard nga kamatuoran, pagkamatarong kag wala sang ginapasulabi.
Sa karon, gintuad ni Abasola nga maga-konsulta ini sa bag o nga NPC legal committee kun ano ang pwede nga i-file nga reklamo sa ethics committee.
Dugang pa ni Abasola, nagahandum man ang NPC nga mahibaluan ang kamatuoran sa bag-o nga Senate building.
