Pagpasanyog sang industriya sang lubi sa pungsod, isa sa mga prioridad ni Pres.Marcos

Prioridad ni President Ferdinand Marcos Jr. ang pagpasanyog sang industriya sang lubi agud mapabaskog ang produksyon kag mahatagan sang pangabuhi-an ang mga mang-uuma sang lubi  sa pungsod.

Sa ginpatigayon nga ikatlo nga Legislative-Executive Development Advisory Council meeting, gin-aprubahan ang 21 ka priority bills sang administrasyon, lakip na ang Coconut Farmers and Industry Trust Fund Act.

Suno kay Palace Press Officer Claire Castro, daku ang papel sang industriya sang lubi sa ekonomiya sang Pilipinas bangod isa ang pungsod sa pinakadaku nga producer kag exporter sang lubi sa bilog nga kalibutan.