Nakilala na ang suspek sa pagpatay sa babaye sa sulod sang simbahan sa Liloan, Cebu.
Base sa CCTV footage nga nakolekta sang mga kapulisan gikan sa sulod sang simbahan, nakit-an ang mag-asawa nga nagatuparay sa isa ka pulungkuan sang hinali nga nagtindog ang duha, kag ginlampusan kag ginluok sang suspek ang biktima tubtub nga ini ang natumba.
Ginkilala sang anak sa kuha sang CCTV ang iya mga ginikanan nga may problema sa pag-asawahay.
Suno kay Police Lt. Col Dindo Juanito Alaras, hepe sang Liloan Police, naga-istoryahanay ang mag-asawa sang nagluntad ang ila pagbaisay nga naglab-ot sa physical violence kag krimen.
Samtang nagahigda na ang babaye sa salog, indi pa mapat-od sang kapulisan kun gintuyo pa sang suspek nga buhion ang iya bana ukon liwat ini nga ginsakit.
Nahibaluan nga taga-Camotes Island ang mag-asawa, kag base sa impormasyon gikan sa bata, ginapahayag nga may problema sa paminsaron ang suspek.
Nagaguha man sa imbestigasyon nga una na nga napreso sa Negros Occidental ang suspek bangud sa paglapas sa Republic Act 9262, ukon Anti-Violence Against Women and their Children (VAWC) Act, nga ginpasaka sang babaye.
Samtang, nagapabilin nga sirado ang simbahan, base sa mando sang Archdiocese of Cebu, bilang kabahin sang rito of reparation kag paghalad sang pangamuyo resulta sang natabu.
