ROXAS CITY -Ginklaro sang pamunuan sang City Engineers Office nga wala sang pamulitika sa likod sang sa pagpauntat sang mga proyekto nga gin-umpisahan sang sadto anay Celino administration sa siyudad sang Roxas.
Kasunod ini sang mga reklamo sang barangay officials natuhoy sa mga proyekto sa ila barangay nga ginpapauntat sang karon nga Dadivas administration.
Ginpahayag ni City Engineer Noel Laminares nga ginpauntat ang mga proyekto nga ginsuguran sang nakaligad nga administrasyon bangud natukiban nga kulang ang mga ginpang-deliver nga mga materyales sang isa ka construction supplier.
Suno kay Laminares nga may mga materyales nga nabayaran na sang city government apang wala pa ma-deliver sang supplier kag ginpanindugan nga wala sang lamud-pamulitika sa pagpauntat sang mga proyekto.
Gintinguhaan sang karon nga administrasyon nga magpakig-angut sa wala nahingadlan nga supplier apang indi na ini malab-ot.
Ginpasalig ni Laminares nga gintugyan naman sa City Legal Office ang paghatag sang legal nga aksyon sa nasambit nga supplier.
