Pagpreparar para sa Capiztahan 2023, ginsuguran na

Roxas City – Ginsuguran na subong nga adlaw Marso 9 ang parade bilang pagpreparar para sa pala-abuton nga Capiztahan 2023.

Sa interview sang Bombo Radyo kay Atty. Luvim Amores Provincial Information Officer ginsiling sini nga umpisa pa lamang ini nga aktibidad sa diin ginpakigbahinan sang pila ka mga tribu sang Aeta nga nakasuksok sang attire nga kastila, hapon, kag amerikano.

Mahibaluan nga nagsugod ini takna 6:00 sang hapon nga gintambungan man sang mga tumalan-aw agud saksihan ang mga nanari-sari nga costumes kag nagalagubo nga mga palagumba.

Suno kay Amores, may yara ini sang 16 tanan nga mga tribo kag pagatungaon ang mga ini sa tatlo ka grupo.

Samtang magapadayon naman ang amu nga kahiwatan bwas nga adlaw Marso 10 sa amu man nga oras.