ROXAS CITY – Ginkumpirma sang provincial director sang Capiz Police Provincial Office (CPPO) ang pagrelieved kag pagtransfer sang apat ka mga PNP personnel sa magkatuhay nga estasyon sang pulisya sa probinsiya sang Capiz.
Kalakip sa tatlo ka mga gintransfer nga gikan sa President Roxas PNP amo sanday Police Senior Master Sgt. Warren Fabros kag Police Chief Master Sgt. Franklin Blanco nga gin-assign na karon sa Tapaz Municipal Police Station, Police Master Sgt Jocelyn Fabros nga ginhalin na sa Dumarao Municipal Police Station.
Samtang gikan naman sa Roxas City PNP, gintransfer sa Provincial Mobile Group sa banwa sang Dao si Police Lt. Glenn Hervias.
Ginpahayag ni Police Colonel Canelo Fuentes nga normal movement lamang nga ma-transfer sa isa ka unit sang pulisya ang mga PNP personnel sa diin ang tuyo sini nga ma-balanse ang assignment sang tagsa ka istasyon sang pulisya kag madugangan ang pwersa sang police station kag maka-perform sila sang maayo sa ila nga trabaho.
Aminado man ang opisyal nga may kinamatarung ang nagapungko nga alkalde kag gobernador nga magpili kun sin-o ang ila luyag nga mapahamtang nga chief of police sa ila lugar sandig sa ginapalab-ot nga mga rekomendasyon.
Ginklaro man ni Fuentes ang naga-isyu sang relief order amo ang provincial director kag indi ang mga alkalde
