Pagsuksok sang DPWH uniform, temporaryo nga gin-suspend

Temporaryo nga gin-suspend sang Department of Public Works and Highways ang pagsuksok sang mga empleyado sang ila tagsa ka mga uniform base sa ginpaguwa nga memorandum.

Ini sa tunga sang ginapatigayon nga imbestigasyon sa mga iregularidad sa flood control projects.

Suno kay DPWH Sec. Vince Dizon, nagapati siya nga madamo sa gihapon sang maayo nga mga tawo sa ahensya.

Pahayag niya, nakabaton siya sang report nga gina-harass, ginakadlawan kag ginalango-lango ang pila ka mga empleyado sang DPWH.

Nagapanindugan si Dizon nga indi deserve sang mga maayo nga mga empleyado sang ahensya nga i-bully ukon i-harass bangud kadam-an sa ila ang nagatrabaho lamang sang insakto.