ROXAS CITY – Pagtaas sang demand sang kuryente ang ginalantaw nga rason ni Engr. Edgar Diaz General Manager sang Capiz Electrive Cooperative (CAPELCO) sa pagtaas sang pagsuluktan sa kuryente.
Sa interview sang Bombo Radyo kay Diaz, ginpahayag sini nga bangud sa tuman ka init sang panahon nagtaas ang demand sang kuryente.
Suno diri, nadesisyunan nga paandaron ang mga expensive power plant nga masami lamang ginapaandar agud malab-ot ang demand nga kinahanglan.
Mahibaluan nga indi sang regular nga naga-operate ang amu nga power plant bangud tuman ini ka mahal kag ginagamit lamang ini pananglitan may mga ini kung may deficiency .
Bangud sini, liwat nga nagpahanumdum si Diaz sa publiko nga mangin wais sa paggamit sang kuryente partikular sa demand peak hour 6:00 tubtob 11:00 sang gab-i bangud ang generation cause sini nagalab-ot sa P20.00 tubtob P32.00 per KWH.
