ROXAS CITY – Nakabase ang gulpi nga pagtaas sang presyo sang baboy nagikan sa lugar kung sa diin ini ginakuha subong man ang magamay nga suplay sini.
Sa interview sang Bombo Radyo kay Punong Barangay Roberto Ross ‘Maaw’ Roldan, Presidente sang meat section sang Teodoro Arcenas Trade Center (TATC), ginpahayag sini nga nagikan pa sa Bohol, Mindoro, kag Masbate ang mga baboy nga ginabaligya sa merkado.
Mahibaluan nga sang nagliligad nga semana ang presyo sang baboy yara lamang sa P330.00 tubtob P340, apang subong nagalab-ot na ini sa P360.00 tubtob P370.00.
Suno pa kay Roldan nga dako ang nangin epekto sang African Swine Fever (ASF) sa probinsya bangud halos kadam-an nga mga hog raiser ang nag-untat na sa paghupot sang baboy bangud sa kahadlok nga liwat mapiyerde ang negosyo.
