Pagtaas sang presyo sang mga isda, temporaryo lamang – DA

Gin-athag sang Department of Agriculture (DA) nga temporaryo lamang ang pagtaas sa presyo sang mga isda kag mga panginhason.

Suno kay DA spokesperson Arnel De Mesa, nga normal lamang subong nga panahon sang Semana Santa ang nasambit nga pagtaas sang presyo sang mga isda.

Mahibaluan nga kinaandan na sang mga Katoliko nga wala nagakaon sang karne sang baboy kag baka sa amu nga tinion.

Sa ila nga monitoring, minimal lamang ang pagtaas sang presyo sang nasambit nga mga isda kag panginhason.

Magabalik lamang sa normal ang presyo sang mga isda kag panginhason pag-abot sang adlaw sang Sabado kag Dominggo.