Ginsiling ni Surigao Del Norte Second District Representative Robert Ace Barbers nga wala sang nakit-an nga problema kung isa si anay Pangulong Rodrigo Duterte ang magatindog bilang abogado ni Vice President Sara Duterte sa pag-atubang sini sa tatlo ka impeachment complaints batuk sa iya.
Gin-eksplekar ni Barbers ang kinamatarong sang bise-presidente nga magpili sang iya abogado para sa iya mga kaso.
Matandaan nga ginkumpirmar sini sa media nga nakaprepara kag nag-volunteer ang iya amay nga iya mangin abogado pananglitan nga madayon kag maghulag ang impeachment batuk sa iya.
Samtang, ginklaro naman ni Barbers nga wala pa sang nagahulag sa nasambit nga isyu pag-abot sa Kamara.
Mahibaluan nga may yara sang tatlo ka impeachment cases batuk kay Duterte nga ginpasaka sang civic organizations, nagkalain-lain nga progresibo nga grupo kag pila ka mga religious group.
