ROXAS CITY, CAPIZ- Nangin malinong kag madinalag-on ang ginpatigayon nga hublag-protesta kaangut sa Trillion Peso March sang Setyembre 21, 2025 sa syudad sang Iloilo.
Sa interview sang Bombo Radyo kay Monsignor Meliton Oso, Director sang Jaro Archdiocesan Social Action Center, iya ginpahayag nga kaangay nakibot sila bangud nga madamo sanng mga indibidwal ang nag-upod sa amo nga lihok.
Suno kay Oso, ginabulubanta yara sa 15,000 ka mga indibidwal ang nagsinggitan kag nagpakigbato sang tagsa nila ka mga kinamatarong sa ginpatigayon nga hublag-protesta.
Dugang pa nya, ginapawagan sang mga raliyista nga presuhon ang kinahanglan nga magpanabat kag ibalik sa mga pumuluyo ang kwarta nga ginpangkawat.
Pahayag pa sang natungdan, kuntani mapamatian sang National Government ang ila tagsa ka mga panawagan.
Interviewed by Bombo Sunnie Mae Constantino Batencila
