ROXAS CITY – Padayon ang search and rescue operation sang Philippine Coastguard sa pahinante sang isa ka trak nga ginaalegar naglumpat sa ginasakyan nga barko sa kadagatan nga sakup sang San Fernando, Romblon.
Ginpahayag ni Chief Petty Officer Ferdinand Navarete, sub station commander sang PCG-Romblon nagapadayon ang seaborne patrol sang mga personnel sa mga coastal areas nga malapit sa lugar nga ginluntaran sang insedente agud makita ang biktima nga si Rommel Layson 22-anyos sang Barangay Poblacion, Jamindan, Capiz.
Suno kay Navarete nga ba-se sa impormasyon nga ginpalab-ot sa ila sang kapitan sang Starlite Ferry nagluntad ang ginaalegar paglumpat sang biktima sa barko samtang yara sa kadagatan sang Kristo Degalio, San Fernando, Romblon.
Gilayon nga ginrescue ini sang crew sang barko sa diin ginhabuyan ini sang life ring, apang wala ini ginkuha ni Layson sa pihak nga tuman ka lapit ang distansiya sini.
Padayon nga gina-imbestigahan ang motibo sang paglumpat sang biktima sa barko.
Suno sa kaupod nga pahinante sang biktima nga wala man sang may ginsugid nga problema sa ila si Layson.
