Pakistan, nagpatuman sang libre sakay sa publiko bangud sa mataas nga presyo sang Gasolina

Gin-anunsyo sang gobyerno sang Pakistan nga mangin libre ang state-run public transport sa Islamabad kag pila ka mga nagapanguna nga probinsya sa sulod sang isa ka bulan matapos nagtaas sang 42.7% ang presyo sang gasolina.

Suno kay Prime Minister Shehbaz Sharif, ang presyo sang petrolyo ang igapanubo sa 378 rupees kada litro.

Magapabilin naman sa 520 rupees kada litro ang diesel. Ang amo nga tikang ang kasunod sang mga protesta kag malaba nga pila sa mga gasolinahan.

Sa Punjab kag Sindh, ginpatuman man ang subsidiya para sa mga truck, bus, motorista, kag magagmay nga mangunguma.

Maga-umpisa ang libre nga transport sa Sabado, nga may gastusan ang gobyerno nga 350 million rupees.