Nangin madinalag-on ang pagtakop sang Palarong Pambansa 2025.
Tuman naman ang kalipay sang National Capital Region nga sa liwat nangin Overall Champion para sa Palarong Pambansa, nga nagamarka sang ila ika-18 nga tuig nga naga-uyat sang amo nga titulo.
Wala makatambong si Presidente Ferdinand Marcos Jr. sa closing ceremony sang Palarong Pambansa apang ginrepresentar sang iya utod nga si Presidential Sister Irene Marcos.
Nagtambong man sa closing ceremony sang Palarong Pambansa 2025 sanday Department of Education Secretary Sonny Angara; Undersecretary Malcom Garma, ang Secretary General sang National Games; Commission on Higher Education (CHED) Shirley Agrupis, Volleyball icon Alyssa Valdez, Congressman Angelo Marcos-Barba, Olympic Gold Medalist Hidilyn Diaz, Creamline Cool Smashers, Governor Matthew Marcos-Manotoc, subong man mga local officials sa probinsya kag iban pa.
Si Governor Matthew Marcos-Manotoc, sa iya speech, nagpasalamat sa tanan nga nagbulig kag nagpasakop sa Palarong Pambansa sa probinsya.
Ginpasalamatan man sang gobernador si Mayor Michael Marcos-Keon nga nangin rason kon ngaa ginhiwat ang Palarong Pambansa sa probinsya subong nga tuig.
Suno kay Department of Education Sec. Angara, madamo na siya sang nabatian nga komento nga ang opening ceremony sang Palarong Pambansa 2025 ang isa sa pinakamaayo sa maragtas sang Palarong Pambansa bangud sarang ini magamit sa Southeast Asian Games kag Asian Games.
Samtang ang masunod naman nga host para sa 2026 Palarong Pambansa amo ang probinsya sang Agusan del Sur.
