Napaslawan si Annabelle McDonnell nga makuha ang korona bilang tiglawas sang Pilipinas sa Miss Globe 2025 matapos ini ang nakasulod sa Top 11 sang pageant nga ginhiwat sa Tirana, Albania.
Si Chayathanus Saradatta sang Thailand ang ginkoronahan bilang Miss Globe 2025, samtang ikaduha naman si Valentina Gegprifti sang Albania.
Bisan pa nga wala madala ni McDonnell ang titulo, nagdaug sia sa Head-to-Head Challenge sang kompetisyon.
Sa national costume competition, ginhatagan ni McDonnell sang pasidungog ang iya ginhalinan sa syudad sang Iligan paagi sa isa ka maluho nga bulawan nga costume nga inspirado sang Maranao folk dance bill, nga may mga pamaypay kag payong.
Apisar nga wala sini nakuha ang ikatlo nga korona sang Miss Globe sang Pilipinas, liwat nga ginpamatud-an ni McDonnell ang iya ikasarang sa international pageant stage.
Madumduman nga siya man ang 1st runner-up sa Miss Charm sang tuig 2023.
