Daku ang paglaum sang pamilya ni Frank Rois Barbasa nga indi ini siya ang sunog nga bangkay nga nasapwan sa sulod sang subdivision sang Ungka I, Pavia sang Abril 29.
Sa post sang iya tiyo sa social media, ginpahayag sini ang daku nga kabalaka matapos nga wala na maka-reply si Barbasa kag tubtob subong wala pa ini nakapauli sa ila balay.
Ang tiyo sini naga-obra sa Germany kag amo ang nagasuporta sa iya pag-eskwela.
Base sa Facebook stories, ang ulihi nga reply ni Barbasa pasado ala-1:00 sang kaagahon sang Abril 28, kag ginpadal-an pa ini sang allowance sang iya tiyo.
Makit-an man sa mga post ang excitement sang pamilya sa palaabuton nga graduation sang biktima nga isa ka graduating nursing student sa isa ka unibersidad sa Iloilo City.
Nahibaluan mnga may yara na sang ginalantaw nga person of intersest ang PAVIA MPS.
Sa subong, ginahulat pa ang resulta sang DNA test agud mapamatud-an kun siya gid ang bangkay nga nasapwan kag ginsunog sa Pavia.
