Nagpabutyag sang pagduda ang pamilya ni Frank Rois Barbasa may kaangtanan sa padayon nga imbestigasyon sang kapulisan sa iya kaso.
Ini kasunod sang insidente sa Pavia, Iloilo kun sa diin may nasapwan nga sunog nga bangkay nga ginapatihan nga posible si Barbasa, isa ka graduating nursing student nga nadula sang Abril 28, 2026.
Sa interview sang Bombo Radyo kay Noel Arciga, lolo ni Frank, ginlaragway sini ang iya apo bilang mabuot, matinahuron kag malapit sa tanan.
Ginpanginwala mansini ang mga alegasyon nga may kautangan bangud may ikasarang man ang ila pamilya sa pangabuhi.
Pahayag pa niya, may yara sila sang pagduda sa ginapatigayon nga imbestigasyon sang kapulisan nga posible nga nag-suicide ini.
Dugang pa sang natungdan,tuman gid ka sakit para sa ila pamilya ang natabo gani nagapanawagan ini sa publiko sang respeto kag untaton na ang pagpalapta sang mga sala nga impormasyon.
