Pamilya ni Romalyn, nagapanawagan sang bulig pinansyal

ROXAS CITY – Personal nga nagpadulong sa estasyon sang Bombo Radyo Roxas si nanay Casilda Depaur Desales para magpanawagan sang bulig pinansyal para sa mga galastuson sang iya gumangkon nga si Romalyn Depaur nga nasapwan-patay sa suba sang Dingle, Iloilo sang Hulyo 27.

Suno kay nanay pigado gid ang iya utod para sa pagpalubong kay Romalyn, maayo lang suno diri nga nagpanikasog ang ila kapitan para makuha ang bangkay sang biktima sa Iloilo para sa paghaya sa ila balay sa barangay Balighot, Maayon.

Sa may mapa-abot nga bulig mahimo magpakig-angut sa Bombo Radyo Roxas ukon i-direkta sa pamilya ukon sa barangay.

Samtang, nagapadayon naman ang imbestigasyon sang mga otoridad sa nasambit nga hitabo.