Nagalaum ang linibo nga pamilya sang mga biktima sang extrajudicial killings (EJK) nga ila makuha ang hustisya may kaangtanan sa makahalanusbo nga gindangatan sang ila mga pinalangga sa kabuhi sa International Criminal Court (ICC), nga nagpatigayon sang imbestigasyon may kaangtanan sa maduguon nga drug war sang administrasyon ni anay Pangulong Rodrigo Duterte.
Ini ang nangin pahayag ni anay Bayan Muna Representative Neri Colmenares sa ika-8 nga pagsinapol sadtong Biyernes sang Quad Comm sang Kamara de Representantes, isa ka panel nga gintukod sang apat nga komite nga nagabusisi sa EJK, kaso sang droga, iligal nga operasyon sang POGO, kag mga paglapas sa kinamatarong sang tawo.
Si Colmenares nga representante sa National Union of People’s Lawyers nga nagbuylos sa imbestigasyon sang ICC nagsiling nga ginsiguro sang mga responsible sa EJK nga mangin mabudlay ang pagpangita sang ebidensya agud pamatud-an ang ila ginhimo.
Suno diri nga nakabutang sa death certificates nga ang mga biktima napatay bangud sa broncho-pneumonia kag indi bangud sa igo sang bala.
Sabat suno diri sang mga yara sa likod sang krimen nga kadam-an mga kapulisan nagbato ang mga drug suspek kabangdanan agud sila mapatay.
Sa karun, gina-imbestigahan naman sang ICC ang mga EJK sa pungsod sumugod pa sadtong 2017-2018.
