Gindepensahan naman ni Len Bosico ang utod nga sanday alyas Mauy kag Jade Bosico kalakip ang amay nga si Edilberto Bosico nga ginatudlo may kaangtanan sa krimen.
Ginklaro ni Len nga wala nakaupod sa pag-inum sang biktima ang duha ka mga utod bangud ang kaupod lamang sang napatay amo si Rodolfo Barredo kag Edilberto Bosico ila amay.
Ba-se sa panaysayon ni Len nga nagsindi sang sigarilyo ang amay sang ginbali ini sang biktima.
Bangud sa insidente gindala nila ang ila amay sa balay sang lola apang ginharass sang biktima ang mga tawo sa isa ka balay pinaagi sa paglampus sang dala nga dor por dos.
Apang sang nakita sini ang mga kababainhan nga may dala nga salog, nagkamang pakadto sa suba ang biktima dala ang kahoy kag botelya sang softdrinks.
Ginapanindugan ni Len nga wala sang pagkastigo nga natabo sa biktima sa balay nga ila gin-imnan.
Ginpahayag sini nga ginkakibot na lamang nila sang mahibaluan nga ginpatay ang biktima.
