ROXAS CITY – Lakut nga pagkadismaya kag kaakig ang nabatyagan ni Nanay Dina sa mga hospital personnel sang Mambusao District Hospital bangud sa baylo nga pabakuron ang ila pagtuo ginaalegar gin-discouraged pa ang mga ini nga dal-on sa iban nga ospital ang ila pasyente bangud wala sila sang gina-uyatan nga kwarta agud makabayad bilang downpayment antes ma-admit sa isa ka pribado nga ospital.
Suno kay Nanay Dina, nagbuya sang tinaga ang mga staff sa emergency room nga “Indi na makalab-ot ang inyo pasyente. I-gasto niyo sa ospital? I-gasto na lang ina kun ano gidman ang matabo”.
Ginkaakig sini ang ginhambal sang staff bangud daw kaangay gin-orasan na nila ang kabuhi sang iya utod nga lalaki.
Mahibaluan, gindala sa ospital ang iya utod sang Pebrero 24, 4:00 sang hapon bangud nabudlayan ini magginhawa, gintatap man suno diri ini sang mga nurses kag doctor kag gintubuhan.
Ginapahayag ginsiling sang doctor sa iya, nga indi na magdugay ang iya utod bangud kritikal na ang estado sini antes pa gindala sa ospital.
Apang sa baylo nga pamatian ang hambal sang doctor, nagpangita sila sang ospital nga pagasaylohan agud madapatan sang dugang nga intensyon kag pagbulong ang ila pasyente.
Ginaalegar, ginhambalan sila sang staff nga kun ibalhin ang pasyente sa iban nga ospital posible mapatay pa ini samtang gina-biyahe.
Pahayag ni Dina, diri na ini napangluyahan bangud ginaalegar ginprangka pa gid ini sang doctor nga kun wala sila sang kwarta indi man gihapon sila pagbatunon sa ospital.
Wala na sang nahimo ang pamilya kundi magtinir sa Mambusao District Hospital tubtob ginbawian sang kabuhi ang iya utod sang Pebrero 25, 10:00 sang aga.
