Nagalaum ang pamilya Villar nga ibasura sang Department of Justice (DOJ) ang mga reklamo nga ginpasaka sang Securities and Exchange Commission (SEC) batuk sa ila may kaangtan sang ginaalegar market manipulation, insider trading, kag misleading disclosures.
Sa ginpatigayon nga preliminary investigation, ginpanindugan sang ila nga abogado nga si Atty. Robel Lomibao nga wala sang may ginlapas nga layi ang iya nga mga kliyente kag katuyuan lamang sang ila nga pagtambong nga limpyuhon ang ila nga pangalan.
Kalakip sa mga gin-akusaran sanday anay senador Manny kag Cynthia Villar, subong man sanday Senador Mark kag Camille Villar, kalakip ang Villar Land Holdings and Corporation.
Samtang, ginsiling ni Senior Deputy State Prosecutor Peter Ong nga timprano pa agud silingon nga ibasura ang kaso, samtang nanindugan naman si Senador Mark Villar nga wala sang bastante nga ebidensya batuk sa ila.
