-- ADVERTISEMENT --
Dismayado ang Panay Island Transport Cooperative sa mando ni President Ferdinand Marcos Jr sa Department of Transportation nga i-suspende ang nakaplano nga pagtaas sang pamasahe.
Sa interview sang Bombo Radyo kay Renee Bocala, Board Member sang koperatiba, iya ginpahayag nga mabudlay para sa mga driver ang adlaw-adlaw nga operasyon bangud sa tuman kataas sang presyo sang gasolina.
Suno kay Bocala, pigado ang ila kita sa kada byahe, labi na sa padayon nga pagtaas sang presyo sang gatong.
Nagalaum man ang koperatiba nga mahatag na ang ginpromisa nga fuel subsidy sang gobyerno, nga makabulig sa mga tsuper kag operator sa tunga sang tuman ka mahal sang presyo sang krudo.
