Liwat nga nagpatuman sang rigodon ang pamunuan sang Philippine National Police (PNP) sa grupo sang mga mataas nga opisyal sini.
Sa reassignment order, ginpahamtang bilang OIC sang Office of the Deputy Chief for Administration si National Capital Region Police Office (NCRPO) Chief PMaj. Gen. Jose Melencio Nartatez Jr.
Pagatal-usan naman kay Nartatez bilang Acting Regional Director sang NCRPO si PMaj. Gen. Sidney Hernia.
Ginhamtang man bilang Acting Director sang PNP Forensic Group si PBGen. Benjamin Sembrano, samtang ginbutang naman si PBGen. Constancio Chinayog Jr. bilang Acting Director sang Personnel and Records Management.
Si PCol. Jeffrey Decena ang mangin Acting Regional Director for Administration sa Police Regional Office – 3.
Epektibo na ang balasahan sa Miyerkules nga adlaw, Oktubre 9.
Nauna na nga ginhamtang sang nakaligad nga semana si Police Major General Edgar Okubo bilang Acting Chief of the Directorial Staff sang PNP.
