Ginaduso ni House Committee on Good Government and Public Accountability Chairman Joel Chua ang pagbuo sang isa ka panukala nga layi nga maga-regulate kag nagasiguro sa intsakto nga paggastos sang confidential funds.
Sa ikaapat nga pagdinig sang komite natuhoy sa ginapahayag nga mali nga paggamit sang confidential funds sang Office of the Vice President, gintalupangod ni Chua nga nangin malinaw sa imbestigasyon nga madali abusuhon ang nasambit nga pondo kun masyado nga maluwag ang mga panuntunan.
Tion na suno agud palapnagon ang auditing powers sang Commission on Audit sa confidential funds aagud nausana ang verification sang aktuwal nga paggastos sini kag indi lamang supporting documentation.
Ginpunto ni Chua nga limitado lang ang COA sa pagberipika kun kumpleto ang dokumento kag wala na nagapaidalom sa assessment ang authenticity.
Ang panukala sang kongresista ang nagsugod sa ginapahayag nga ginakabalak-an nga “pattern” nga ginbuyagyag sa imbestigasyon sang komite.
Samtang, dugang pa sini nga indi pa diri nagatakop ang ila pag-usisa bangud madamo pa nga usisaon natuhoy sa kwestyonable nga confidential funds sang OVP kag pagpalapnag sang transparency kag accountability sa paggamit sang pondo sang gobyerno.
