Lalaki nga nalumos-patay sa Baybay Beach, Barangay Baybay, Roxas City, mapauli na kuntani sang natabo ang insidente.
Sa interview sang Bombo Radyo kay Punong Barangay Erwin Oroceo, ginpahayag sini nga manuglakat kag papauli na kuntani ang biktima kaupod ang iya mga kaupdanan apang sa rason nga yara ini sa impluwensya sang makahulubog nga ilimnon, nagbalik ini sa baybayon kag nagpadayon nga magpaligo sa lugar.
Sandig man sa imbestigasyon sang mga kapulisan, ginapahayag nga nagaisahanon lamang ang biktima nga nagapaligo sa porsyon sang baybayon bangud wala ini nadiparahan sang iya mga kaupdanan.
Matandaan nga ginkilala ang biktima kay Steve Villeza, 45-anyos, kag residente sang Barangay Lacaron, Dao, Capiz.
Panugyan ni PB Oroceo sa publiko, likawan nga magpaligo sa baybayon nga nakainum agud malikawan ang mga kasubong nga hitabo.
