Ginreport ga missing ang Isa ka pari gikan sa Archdiocese of Palo matapos nga wala na makita liwat sa sulod sang duha ka adlaw matapos ini ang ulihi nga nakit-an sa syudad sang Tacloban.
Ginkilala sang Babatngon Municipal Police Station sa Leyte ang nadula nga pari nga si Fr. Edwin “Kutz” Caintoy, 55 anyos, kura paroko sang San Jose de Malibago Parish kag pumuluyo sang Abuyog, Leyte.
Base sa imbestigasyon si Fr. Caintoy nagbiyahe siya padulong sa Barangay 108, Tagpuro sakay sa orange nga motorsiklo nga ginamaneho sang iya sakristan. Pag-abot, ginpahayag nga nagsakay ini sa NORBATCO passenger bus.
Base sa report sang kapulisan, ginpahayag nga nakit-an ini nga nagapanaug sa atubang sang Our Lady of Guadalupe Church sa Quezon Boulevard kag nakuhaan sang CCTV sa VSYS Department Store mga las 9:52 sang aga samtang nagalakat padulong sa Robinsons North Tacloban. Halin sadto, wala na ini makita liwat kag wala na makapauli sa ila balay.
Nagpanawagan man ang kapulisan sa sin-o man nga may impormasyon sa nahamtangan ni Fr. Caintoy nga gilayon makig-angot sa Babatngon Municipal Police Station sa numero 0998-598-6483 ukon personal nga magpadulong sa ila headquarters sa Barangay District I, Babatngon, Leyte.
Ginpahayag sang Archdiocese of Palo nga naga-coordinate sila sa mga otoridad angut sa insidente.
