ROXAS CITY – Ginkumpirma sang abogado sang CEO sang 25 Days Double your Money Investment Scheme nga madugay na nga may pamahog sa kabuhi ang iya kliyente.
Ini ang rason nga nadesisyunan na lamang sang pamilya ni Junelyn Gregorio nga indi magpa-rekord sa istasyon sang pulisya ukon sa barangay hall agud indi na magdalum pa ang isyu nga pagpaarak sang luthang sa ila nga balay sang wala makilala nga suspek nga nagasuksok sang helmet.
Ba-se sa CCTV footage nga may duha ka mga indibidwal nga nagasakay sa motorsiklo ang nag-agi sa balay ni Gregorio sa Barangay Tiza, sa diin ang backrider nagpalupok sang pusil, apang nakatutok ini sa duta.
Bangud sa nabaton nga mga pamahog sa kabuhi ginpakamaayo sang CEO sang 25 Days Double your money investment nga i-deactivate na ang iya social media account kag indi na pagsabton ang mga tawag sa iya cellphone.
Samtang nagpasalig si Gregorio nga sa Pebrero 20, iga-release sini ang partial amount sang investment sang mga investors.
