-- ADVERTISEMENT --
ROXAS CITY — Nahulog sa iya ginakabitan nga jeep ang isa ka lalaki matapos gin-atake sang biling sa Barangay Lawaan sining siyudad.
Ginkilala ang biktima nga si Glen Alantuson, 39-anyos, residente sang Barangay Pangabuan, Jamindan, Capiz.
Base sa imbestigasyon sang pulisya, nagakabit si Alantuson sa likod sang jeep nga ginamaneho ni Placido Sangrones, 60-anyos, residente sang banwa sang Mambusao kag padulong kuntani sa siyudad sang Roxas.
Apang pag-abot sa Sacred Heart Road sa Barangay Lawaan, gin-atake sang biling ang biktima rasun nga ini ang nahulog.
Nakaagum sang kasamaran sa lawas si Alantuson nga gilayon man gindala sa isa ka pribado nga ospital agud mabulong.
-- ADVERTISEMENT --
