Pasahero sang nag-emergency landing nga eroplano sa Iloilo, nagpasalamat sa Ginoo bangud hilway nga nakalapag ang eroplano

Tuman nga kakulba ang nabatyagan sang mga pasahero sang eroplano PR 2544 (RP-C8619) nga nagahalin sa Dumaguete padulong Manila matapos ini mag-emergency landing sa Iloilo International Airport subong nga hapon, Abril 19.

Suno kay pasahero nga Jong Narcisco, samtang yara sa tunga sang byahe, ginpahibalo sang kapitan nga may ginakay-o sa aircon sang eroplano.

Apang wala ini nahuman, rason nga naggwa ang oxygen masks halin sa overhead compartments.

Ginpahayag niya nga bisan pa sa natabo, kalmado nga nakalapag ang eroplano sa Iloilo International Airport kag luwas ang tanan nga pasahero.