Nangin madinalag-on ang Pasyon ni Kristo 2026 nga ginhiwat sa banwa sang President Roxas, Capiz.
Sa interview sang Bombo Radyo kay John de Guzman, Director sang Pasyon ni Kristo 2026 , iya ginpahayag nga tinutuyo sang nasambit nga kahiwatan amo ang ipalapnag ang mensahe sang pagsakripisyo ni Hesus sa pagtubos sang sala sang katawhan paagi sa pagpalansang sa krus.
Suno kay de Guzman, ang Passion ni Kristo ang indi lang nahanungod sa paghanduraw kada Semana Santa kundi isa ka leksyon nga magamit sa pang-adlaw-adlaw nga pagpangabuhi.
Pahayag pa niya, sentro man sang sini nga aktibidad ang pagpahanumdom sa mga kabataan sa mga inagyan ni Hesus ilabi na nga sa subong nga panyempo, mas ginahatagan pa sang importansya ang social media kumpara sa pagsimba kag pagpamalandong subong nga semana santa.
Nagpasalamat man ang natungdan sa tanan nga nagtambong kag nagpartisipar sa ika- 51 ka tuig nga kahiwatan sang Passion ni Kristo.
