Isa ka makatilingala nga hitabo sa Estados Unidos sang America pagkatapos nga si Zach Clark nangin opisyal nga tag-iya sang una nga narehistro nga patatas bilang isa ka gun silencer, nga gin-aprubahan sang Bureau of Alcohol, Tobacco, Firearms, and Explosives (ATF), ang ahensya nga katumbas sa firearms regulatory body sang gobyerno sang Estados Unidos.
Sa U.S., ang mga gun silencer ginakabig nga isa ka regulated firearm accessory. Ang proseso sang pagparehistro sini masami nga estrikto kag mahal, nga nagalab-ot sa ginatos ka dolyar kag nagakinahanglan sang mga binulan ukon mga tinuig antes maaprubahan.
Sa idalom sang bag-o nga kasuguan nga ginatawag One Big Beautiful Bill, ang pagparehistro sang mga desinyo sang suppressor ginhimo nga libre kag online, isa ka tikang nga nagatuyo sa pagpadasig sang proseso para sa legal nga mga gun owners.
Gin-athag ni Clark nga wala niya plano nga gamiton ang patatas sa pusil, bangud sigurado nga madugmok ini sa una nga lupok. Ang iya katuyuan, amo ang pagpakita sang loopholes sang bag-o nga Sistema.
Suno kay Clark, mahimo nga random lang ang pag-aprubar sang ATF bangud sa pagdagsa sang mga aplikasyon kag limitado nga manpower.
Bilang eksperimento, nagsumite siya sang tatlo ka separado nga aplikasyon para sa tatlo ka patatas, ang tagsa may kaugalingon nga serial number:
Bisan pa nga may pareho nga mga dokumento kag mga espesipikasyon, duha ang gin-aprubahan
