MANILA – Patay ang duha ka mag-ulutod matapos mabungguan sang dump truck ang motorsiklo nga ila ginasakyan sa higad sang Bypass Road sa Barangay Banaba, San Pascual, Batangas.
Gindeklarar nga dead on the spot ang angkas sa motorsiklo nga si King Tumalip, 31 anyos kag ang iya back rider nga 36 anyos nga magulang nga si Joy Tumalip, lunsay residente sang Barangay San Antonio sa San Pascual.
Suno sa imbestigasyon sang San Pascual Municipal Police Station, ang insidnte natabo sang 9:30 am.
Dugang pa sa polisya, nag-agi ang motorsiklo sa eastbound lane sang bypass road sang gin-rear-end sang dump truck nga ginamaneho sang 60-anyos nga lalaki.
Bangud sa mabaskog nga impact sang pagkabunggo, ang mga biktima nagsulod sa tubang sang dump truck samtang ginaguyod ini sa ginabanta nga 50 metters.
Apang sa subong nadakpan na ang driver sang dump truck kag nagapangatubang sang kaso nga Reckless Imprudence Resulting in Double Homicide kag Damage to Property suno sa Article 365 sang Revised Penal Code.
