Nagbuya sang tinaga si Akbayan Party-list Representative Perci Cendaña batuk kay Vice President Sara Duterte sang tinaga matapos ginsiling sang bise nga indi siya magpatawad sa Paskwa.
Matandaan nga sa ginpatigayon nga thanksgiving activity sang Office of the Vice President (OVP) ginsiling ni Duterte nga bilang bise presidente kinahanglan niya nga ihambal nga “ang Pasko ay panahon ng pagpapatawad, pagmamahal, at pagbibigay.”
Sabat naman ni Cendaña ang nasambit nga pahayag sang bise presidente pinaagi sa Facebook post kag ginsiling nga kinahanglan ni Duterte nga magpangayo sang pasaylo sa mga Pilipino.
Si Cendaña ang nag-endorso sang una nga impleachment complaints batuk kay Duterte nga ginfile sang nagkalain-lain nga civil society leaders sang pungsod.
Nakabutang man sa nasambit nga reklamo ang apat ka ginapahayag major grounds para sa pagpahalin kay Duterte kung sa diin ini amu ang “culpable violation of the Constitution, graft and corruption, bribery, betrayal of public trust, and other high crimes.”
Magluwas sa impeachment complaint nga ginendorso ni Cendaña, isa pa ka impeachment complaint ang ginsumite sa Kamara nga gin-inendorso naman sang Makabayan bloc.
