Pawikan, na-rescue sang mangingisda sa Roxas City

ROXAS CITY – Na-rescue sang isa ka mangingisda ang isa ka pawikan sa kalalawran sa Barangay Culasi, Roxas City.

Mahibaluan nga samtang nagapanglambat ang nasambit nga mangingisda sa tunga sang kadagatan, aksidente nga nadala sa iya lambat ang pawikan nga may kabug-aton nga kapin 30 kilos.

May yara sang pilas ang amo nga pawikan sa iya nga tutunlan matapos nakitaan ini sang taga ukon fish hook.

Bangud diri, gindala sang mangingisda ang pawikan sa higad sang baybay.

Ginpalab-ot naman sa pamunuan sang Department of Environment and Natural Resources ang insidente para sa mangin disposisyon sang nasambit nga pawikan.