PBA player nga si Amores kag utod sini temporaryo nga ginhilway matapos nga nagpyansa

Temporaryo nga ginhilway matapos nga magbayad sang piyansa si PBA player John Amores kag ang utod sini.

Naatubang sa reklamo nga attempted homicide sa Lumban municipal trial court ang mag-utod nga Amores kung sa diin nagbayad nsag P24,000 si Amores samtang P10,000 naman sa utod sini.

Una nga nagsurender ang mag-utod sining aga sang Huwebes matapos nga maulamid sa pagpangluthang sadtong Miyerkules bangud sa away sa pustahan sa basketball.

Nakita ang mag-utod sa CCTV nga samtang nakamotor ang ila ginlagas kag ginapusil ang biktima nga nakilala kay Lee Calcada.