Ginmanduan ni President Ferdinand Marcos Jr. si Department of Public Works and Highways (DPWH) Secretary Vince Dizon nga magpatigayon sang inspection sa Kalayaan Island Group (KIG) sa West Philippine Sea.
Ang nasambit nga direktiba kasunod sang pagbukas sang tour packages sang Kalayaan Municipal Tourism Office subong nga bulan.
Tuyo sang presidente nga makita sang tiglikom ang posibilidad sang pagtukod sang mga airport kag port agud mas mapasanyog ang turismo sa lugar.
Ginkumpirmar ni Presidential Communications Undersecretary Claire Castro nga nakig-istorya ang Presidente sa Secretary angut sa nasambit nga bagay.
Nahibaluan nga ang munisipyo sang Kalayaan natuga tungod sa KIG sa idalum sang probinsya sang Palawan pinaagi sa Presidential decree nga ginpagwa ni anay Presidente Ferdinand Marcos Sr sang 1978.
