Ginpaidalom sa medical observation si President Ferdinand Marcos Jr. kagab-i, matapos maka-eksperyensya ang discomfort.
Suno kay Palace Press Officer Undersecretary Atty. Claire Castro, gin-abisohan si President Marcos sang iya mga doctor nga magpahuway anay.
Sa subong pahayag niya, yara naman sa estable nga kondisyon ang pamatyag sang Presidente.
Gin-obserbahan si Marcos sa isa ka ospital sa Quezon City.
Padayon subong nga nagatrabaho ang Presidente suno kay Castro samtang nagapaidalom sa medical observation kag nakabalik naman sa Malacañang.
Wala na gin-disclose pa sang Palace Press Officer ang sahi sang discomfort nga nabatyagan sang Presidente apang ginpahayag nga yara na ini sa maayo nga kondisyon.
Dugang pa sang natungdan, nakadepende na sa mangin abiso sang doctor kay President Marcos kun magapabilin ini sa Malacañang kag temporaryo anay nga magpaiway sa pagtambong sa mga kahiwatan.
