Nagpasalamat si Bureau of Immigration (BI) Commissioner Norman Tansingco kay Pangulong Ferdinand Marcos Jr sa paghatag sang prayoridad sa Immigration Modernization Law.
Ang nasambit nga layi, kalakip ang iban pa nga priority measures nga may tinutuyo pabaskugon ang pag-umwad sang ekonomiya, siguruhon ang pangpungsudnon nga seguridad kag pasangkaron ang maayo nga pagdumala.
Ini sa pihak sang technical report para sa ika-tatlo nga State of the Nation Address (SONA) sang Pangulo sadtong Hulyo 22.
Mahibaluan nga ginhatagan sang pagtamud ni Tansingco ang importansya sang bag-o nga layi sa imigrasyon samtang ginpasalamatan man sini bangud sa iya promise nga himuon nga modern ang sistema sang imigrasyon.
Ang Immigration Modernization Law ang gindisenyo agud i-update kag i-streamline ang mga patakaran sa imigrasyon.
Sa karun, nagaserbisyo ang nasambit nga ahensya sang 84 ka tuig nga layi nga naga-unod sang madamo nga probisyon kun sa diin wala nagasanto sa moderno nga panahon.
