PBBM, ginpat-od nga wala sini ginapabay-an ang pagpanubo sa presyo sang bugas

Ginpat-od ni Presidente Ferdinand Bongbong Marcos Jr. nga wala ginapabay-an sang gobyerno ang pagtinguha sini nga mapanubo ang presyo sang pagkaon ilabi na ang presyo sang bugas.

Sa pagsugod sang speech sini, ginpahayag sini ang ginareklamo sang mga Pilipino nga mataas nga presyo sang bugas nga nagalab-ot sa 45-60 pesos ang kada kilo.

Suno kay PBBM, nabatyagan niya man suno diri ang ginabatyag nga pangabudlay sang mga pumuluyo tuga sang mataas nga presyo sang mga balaklon.

Dugang pa sini, ginahimo sang gobyerno ang tanan agud masolbar ang ini nga problema.